Plantun de Prouvènço

Pèr coumpara dos planto d'encò nostre

Allium ursinum & Atocion armeria

Allium ursinum

Amaryllidaceae Alliaceae

Noms en français : Ail des ours, Ail des bois.

Descripcioun :
L'aiet-bastard trachis dins li faio e li blachiero umido. S'apren à-n-acò que se vèi quàsi pas en Prouvènço, en deforo di relarg mountagnous. Se recounèis à si làrgi fueio pourtado pèr un pecou, e à si flour blanco coume lou la e un pau grando (fin qu'à 1,5 cm).

Usanço :
"- Se vesias, nous disié lou Jóuse, soun pas marrit aquélis aiet. Tenès, tastas.
- Verai ! soun bon. Hòu ! pourrias faire l'aiòli". ("En Mountagno", op.cit p. 72)
Èi l'aiet fèr lou mai manja en Éuropo e acò desempièi lou neoulitique. Poudès acampa li fueio, li flour, li boutoun, li jóuini fru e li veno. S'adoubon de proun de biais, en ensalado, cue... A peréu li mémi prouprieta que l'aiet cultiva (vèire çai-souto), èi peréu riche en vitamine C e fai meigri.

Port : Erbo
Taio : 15 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Allium
Famiho : Amaryllidaceae
Famiho classico : Alliaceae

Ordre : Asparagales

Coulour de la flour : Blanco
Petalo : 6
Ø (o loungour) flour : 1 à 1,5 cm
Flourido : Printèms

Sòu : Ca (Si)
Autour basso e auto : 0 à 1600 m
Aparado : Noun
Abriéu à mai

Liò : Faio - Blachiero - Ribiero
Estànci : Coulinen à Mountagnard
Couroulougi : Éurasiatico
Ref. sc. : Allium ursinum L., 1753

Empeganto(-à-bouquet)

Atocion armeria

Caryophyllaceae

Noms en français : Silène à bouquets, Silène arméria.

Descripcioun :
Aquesto empeganto dóu gènre Atocion trachis dins lis Aup séusouso. Èi cultivado peréu en basso Prouvènço ounte pòu s'escapa. Lis enflourejado soun sarrado en aut de la planto emé de poulìdi flour roso. Lou calice fai mai de 12 mm de long.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Atocion
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 1 à 1,2 cm
Flourido : Printèms - Estiéu

Sòu : Si
Autour basso e auto : 200 à 1200 m
Aparado : Noun
Jun à setèmbre

Liò : Relarg à jóuinis aubret - Roucas - Sablo
Estànci : Subremediterran à Mountagnard
Couroulougi : Éuroupenco
Ref. sc. : Atocion armeria (L.) Raf., 1840 (= Silene armeria L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Allium ursinum & Atocion armeria

ges

Coumpara Aiet-bastard emé uno autro planto

Coumpara Empeganto(-à-bouquet) emé uno autro planto